МКхост
голема база на статии
Ти треба помош? Пребарај низ нашата база на знаење за различни прашања поврзани со хостинг, домени, емаил и слично.
10Веб ХостингКако да менуваш/додаваш рекорди во ДНС зоната на твојот домен?
Со регистрација на домен во МКхост добиваш бесплатна услуга, ДНС хостинг која овозможува комплетна контрола на твојата ДНС зона. Односно, преку корисничкиот профил ќе може да управуваш со сите записи за твојата ДНС зона, како А, АААА, MX, CNAME, NS, TXT, SRV рекорди. Може слободно да додаваш, бришеш и менуваш дополнителни записи од ДНС зоната. Дополнително, со еден клик може да конфигурираш и користиш MX записи на Google. Притоа, доколку згрешиш, може да ја рекреираш целата зона.
За записите внесени во ДНС зоната да бидат валидни, потребно е именските опслужувачи на доменот да бидат оние на МКхост. Доколку именските опслужувачи покажуваат на друго место, записите од ДНС зоната на МКхост нема воопшто да се земат во предвид.
Управување со ДНС зоната на твојот домен преку кориснички профил со ДНС хостинг услугата:
Во новоотворениот прозорец кликни на ДНС Зона
Од тука може да управуваш со ДНС записите и да ја гледаш дифолтната ДНС зона, во која имаш веќе поставено А Record, MX Record и CNAME Record. Може да ги менуваш веќе постоечките и креирани рекорди или пак да додадеш нови записи. При било каква промена на постоечките записи или пак при додавање на нов запис за да зачуваш само кликни на страна и почекај неколку секунди со што ќе добиеш известување дека записот е зачуван
Доколку сакаш ДНС зоната да ја вратиш на сам почеток - во состојба при прво креирање на зоната кликни не Ресетирај ДНС зона. Внимавај при оваа акција сите моментални записи се бришат и зоната се рекреира со дифолтни записи.
Доколку сакаш компетно да ја избришеш ДНС зоната кликни на Избриши ДНС зона. Внимавај при оваа акција ДНС зоната за овој домен нема да постои и дококу доменот не е насочен со сооветни именски опслужувачи истиот може да пне функционира.
Управување со ДНС зоната на твојот домен преку cPanel
Најави се на твојот cPanel акаунт
Во делот Domains кликни на Zone Editor.
Во новоотворениот прозорец во делот Domain ќе се прикажат сите домени кои ги имаш на хостингот. До доменот за кој сакаш да направиш промена кликни на копчето A Record, CNAME Record или MX Record во зависност од тоа кој рекорд сакаш да го промениш.
Ќе се отвори нов прозорец каде што треба да внесеш A Record, CNAME Record или MK Record, (во конкретниов случај на сликата подолу внесуваме A Record) и на крај кликни на Add an A Record за да ги зачуваш промените.
Вебстраната МКхост користи колачиња.
Колачињата овозможуваат да го прилагодиме корисничкото искуство кон твоите потреби.