МКхост
голема база на статии

Ти треба помош? Пребарај низ нашата база на знаење за различни прашања поврзани со хостинг, домени, емаил и слично.

Категории

Веб Хостинг 9 СтатииХостинг платформи, информации за хостинг пакетите, прашања

Домени 15 СтатииРегистрација на домени, трансфер, ДНС сервери

Емаил 6 СтатииКреирање, подесување на емаил адреси

Општо 16 СтатииОпшти информации

cPanel 23 СтатииОбјаснување на функционалности кои cPanel ги нуди

Портал 14 СтатииКориснички панел

6Домени

Најчесто поставувани прашања за кириличните .мкд домени

Како да ја преведам мојата кирилична (уникод) адреса во ASCII за да може истата да ја користам за сите платформи?

За да можеш доменот да го користиш низ интернет мрежата, потребно е истиот да се конвертира во т.н. punycode. Punycode овозможува кодирање на името на твојот кириличен домен во ASCII форма која содржи само знаци од англиската абецеда, броеви од 0-9 и тире (-). За преведување на името на доменот од Уникод во ASCII се користитат голем број на Online конвертори / апликации. Овој начин на кодирање на националните имиња на домените е неопходно за истите да се употребуваат и подесат низ ДНС системите. Линк за онлајн punycode конвертер: http://www.punycoder.com/
На овој линк од левата страна го пишуваш кириличното име на доменот, кликаш наConvert to Punycode и за кратко време Punycode името ќе го имаш на десната половина од прозорецот.

На пример, доменот "мкхост.мкд" кодиран со Punycode e: xn--j1adhmfp.xn--d1alf, каде xn-- е префикс кој означува Punycode, а d1alf всушност е кириличната наставка "мкд".

Како да додадам кириличен домен како parked/addon домен на мојот хостинг?

Постапката за додавање на Parked/Addon Domain е иста како и кај латиничните домени, само што при внесување на името на доменот ја внесуваш неговата Punycode варијанта. Тоа значи дека најпрво името на кириличниот домен се конвертира со Punycode, а потоа добиениот запис се внесува како Parked/Addon домен.

(Инструкции: Најави се на твојот cPanel акаунт - Domains - Parked Domain / Addon Domain - Во делот Add a New Domain внеси го името на кириличниот домен но ковертирано во Punycode.

Дали е потребно да пишувам www пред името на кириличниот домен при пребарување?

Нема да се случи грешка дури и да пишеш www пред името на кириличниот домен. Технички гледано, воопшто не е потребно да пишуваш www во рамките на адресата на веб сајтот. Дури и без www пред адресата, доменот ќе биде пронајден.

Зошто ми е потребен уште еден интернет домен и дали сум обврзан истиот да го користам?

Како една од главните причини зошто би користел кириличен домен е штитење и промоција на националното писмо. Повеќе земји во светот веќе имаат свои IDN национални домени.
Никој нема обврска да користи кириличен домен, тоа е слобода и избор на самиот корисник.

Зошто кога во прелистувачот ќе ја напишам кириличната адреса, таа веднаш се конвертира во некои чудни знаци?

IDN домените (во кои спаѓа и .мкд доменот) се уште се во фаза на тестирање на светско ниво, така да некои прелистувачи треба дополнително да се подесат. Еден од нив е и Google Chrome, каде што треба да се додаде јазик на следниов начин. Во делот Customize and control Google Chrome (копче кое се наоѓа во горниот десен агол веднаш под X копчето каде што се затвора прелистувачот), кликни на Settings - Show Advance settings... - Language and input settings - Add - избери Macedonian - Done.

Дали може да креирам латинична емаил адреса (корисничкото име да е на латиница) со кирилична наставка на доменот (пример: username@име-на-домен.мкд)?

Да, може слободно да креираш вакви емаил адреси. Постапката за креирање на емаил адреси со .мкд кириличен домен е иста како и за креирање на основите емаил адреси како кај латиничен домен.

За да креираш емаил адреси со кириличен домен најпрво ќе треба истиот тој домен да го регистрираш и да го поставиш да биде главен домен/поддомен/parked домен или addon домен на даден хостинг простор. Притоа истиот тој кириличен домен ќе треба да го поставиш како parked/addon/subdomen на начин опишан погоре во делот Како да додадам кириличен домен како parked/addon домен.

(Инструкции: Најави се на твојот cPanel акаунт - Email - Email Accounts - Во делот Email напиши го корисничкото име на латиница и генерирај лозинка. На крај кликни на Generate Account)

Дали може да креирам кирилична емаил адреса со кирилична наставка на доменот (пример: корисничко-име@име-на-домен.мкд)?

Ова се уште не е можно. Корисничкото име пред @име-на-домен.мкд мора да е на латиница.

Дали веб сајтови со .мкд домен може да прикажуваат содржина на латиница или на други јазици?

Доменот и содржината на веб страницата не се зависни од името на доменот. Исто како што и до сега страниците со .mk домен имаат содржини на различни писма/јазици, истото се однесува и за кириличните домени. Она што сега е дополнителна можност е, веб сајтот на .mk доменот да го отвора веб сајтот на латиница, а кириличниот (.мкд) домен да ја покажува содржината на истиот тој сајт само на кирилица, доколку тоа е желба на самиот корисник.