МКхост голема база на статии

Ти треба помош? Пребарај низ нашата база на знаење за различни прашања поврзани со хостинг, домени, емаил и слично .

Хостинг платформи, информации за хостинг пакетите, прашањаРегистрација на домени, трансфер, ДНС сервериКреирање, подесување на емаил адресиОпшти информацииОбјаснување на функционалности кои cPanel ги нудиКориснички панел
0Домени

Правила за регистрација на .mk домени

Овој артикал ги објаснува правилата и условите за регистрација на националните.mk домени, согласно правилникот наМАРнет.

1. Кои типови на .mk домени постојат?

Во зоната.mkпостојат:

Примарен домен

  • .mk

Секундарни домени

  • .gov.mk

  • .edu.mk

  • .org.mk

  • .com.mk

  • .net.mk

  • .inf.mk

2. Кој може да регистрира домен?

.mk (примарен домен)

Може да регистрираат:

  • Физички лица со живеалиште или престојувалиште во Северна Македонија

  • Правни лица регистрирани во Северна Македонија

  • Странски правни лица (со соодветна регистрација во својата држава)

.gov.mk

Наменет и може да се регистрира од страна на:

  • Органи на државна управа

  • Јавни институции

  • Јавни претпријатија

  • Општини и Град Скопје

.edu.mk

Наменет и може да се регистрира од страна на:

  • Образовни институции

  • Научноистражувачки установи

  • Странски образовни институции со дозвола за работа во РСМ

.org.mk

Наменет и може да се регистрира од страна на:

  • Непрофитни организации

  • Здруженија и фондации

  • Политички партии

  • Синдикати

  • Јавни и приватни здравствени установи

  • Амбасади и странски непрофитни организации со законска дозвола

.com.mk / .net.mk / .inf.mk

Наменет и може да се регистрира од страна на:

  • Трговски друштва

  • Самостојни вршители на дејност

  • Комори и задруги

  • Финансиски организации

  • Сите правни и физички лица регистрирани за вршење стопанска дејност

3. Правила за име на домен (.mk)

Името на доменот мора да ги исполнува следните услови:

  • Дозволени карактери:

    • латинични букви (a–z)

    • броеви (0–9)

    • тире (-)

  • Должина:2 до 63 карактери

  • Не е дозволено:

    • да започнува или завршува со тире

    • да содржи две последователни тириња

* Исклучок: Домен од 1 карактер е дозволен само за заштитена трговска марка или бренд.

4. Потребни податоци за регистрација

При регистрација задолжително се доставува барање за регистрација на домен кое мора да ги содржи следниве информации:

  • Име на домен

  • Име и презиме (за физичко лице) или назив на фирма (за правно лице)

  • Адреса

  • Единствен даночен број (за правни лица)

  • Email адреса

  • Административен контакт

  • Технички контакт

  • Најмалку 2 именски сервери (nameservers)

Барањето за домен треба да се достави на два начини:

  1. За физички лица: - Пополнетото барање со потпис потребно е да се достави лично со лична карта на увид на локација на регистраторот. - Со дигитален потпис на барањето според Законот за електронски документи, електронска идентификација и доверливи услуги, како и подзаконските акти кои произлегуваат од овие закони.
  2. За правни лица - Пополнетото барање со потпис и печат на правното лице да се достави лично или по пошта/ карго, заедно со копија од тековна состојба или решение , доставено на локацијата на регистрарот - Со дигитален потпис од овластено лице на компанијата според Законот за електронски документи, електронска идентификација и доверливи услуги, како и подзаконските акти кои произлегуваат од овие закони

5. Идентификација на корисници

Физички лица

  • Увид во лична карта или пасош или

  • Електронска идентификација согласно Законот за електронски документи, електронска идентификација и доверливи услуги, како и подзаконските акти кои произлегуваат од овие закони.

Правни лица

  • Документ за регистрација од надлежен регистар

  • Дополнителна дозвола (за .gov.mk, .edu.mk, .org.mk кога е потребно)

6. Период на регистрација

  • Домените се регистрираат од1 до 10 години

  • Може да се продолжат пред истекување

  • Бројот на домени по корисник е неограничен

Што се случува ако доменот истече?

  • 60 дена заштитен период (без можност за измени)

  • По 120 дена целосно се брише и станува слободен за регистрација

7. Обврски на регистрантот

Регистрантот е должен:

  • Да достави точни податоци

  • Да пријави промена на податоци во рок од 8 дена

  • Да ги одржува активни контакт email адресите

  • Да не повредува права од интелектуална сопственост

8. Промени и пренос

Можни се:

  • Промена на контакт податоци

  • Промена на регистрант (со согласност или судска одлука).Доколку е со согласнот процедурата е опишана на следниовлинк

  • Промена на регистратор

* Името на регистриран домен не може да се менува.