МКхост голема база на статии
Ти треба помош? Пребарај низ нашата база на знаење за различни прашања поврзани со хостинг, домени, емаил и слично .
Како да ја користите Email Hosting услугата
Погледнете го видеото подолу за начинот на користење и управување со e-mail hosting услугата:
Погледнете го видеото на YouTube
Пред да започнете, проверете дали:
Email Hosting услугата е активна, доменот е правилно конфигуриран и потребните DNS записи се правилно поставени и активни.
Важно: Mailbox-ите може да се креираат и пред DNS конфигурацијата да биде целосно завршена. Сепак, целосната функционалност на услугата е достапна откако статусот на доменот е активен и потребните mail записи се правилно конфигурирани.
Што овозможува Email Hosting услугата?
Со Email Hosting услугата можете да:
креирате посебни email адреси на вашиот домен;
доделувате одреден простор (quota) на секој mailbox;
менувате лозинки;
пристапувате до mailbox-от преку Webmail;
управувате со повеќе email адреси од корисничкиот портал.
Креирање email адреса
Креирањето нов mailbox значи отворање нова email адреса во рамки на вашата Email Hosting услуга.
Како да креирате email адреса?
Во левото навигациско мени изберете Email Hosting.
Кликнете преглед
Изберете Креирај email адреса.
Во првото поле внесете го името на mailbox-от, на пример info.
Во второто поле изберете го доменот, на примерvasdomen.mk.
Внесете лозинка за mailbox-от.
Одредете quota, односно простор во GB кој ќе му биде доделен на mailbox-от.
Под полето за quota ќе можете да го видите вкупниот преостанат неалоциран простор.
Прочитајте ги и прифатете ги условите за користење на Email Hosting услугата од МКхост.
Кликнете Креирај.
Пример: доколку внесете info и го изберете доменотvasdomen.mk, конечната email адреса ќе биде:
Ако сите потребни MX, SPF и DKIM записи се правилно поставени и активни, mailbox-от ќе биде подготвен за нормално испраќање и примање email пораки.
Препорака
Користете силна лозинка која содржи комбинација од:
големи и мали букви;
бројки;
специјални знаци.
Ова е особено важно за mailbox-и како info, contact или support, кои често се јавно достапни.
Промена на лозинка на email адреса
Доколку сакате да ја смените лозинката на постоечка email адреса, тоа можете да го направите директно преку управувањето со mailbox-от.
Како да ја смените лозинката?
Одете во Email Hosting делот од корисничкиот портал.
Пронајдете го mailbox-от за кој сакате да ја смените лозинката.
Кликнете на иконата за поставки.
Изберете Промена на лозинка.
Внесете ја новата лозинка.
Внесете ја повторно за потврда.
Кликнете Промени ја лозинката.
По промената на лозинката
Новата лозинка треба да се ажурира на сите места каде што го користите mailbox-от, на пример:
Webmail;
Outlook;
Thunderbird;
мобилен телефон;
друг email клиент.
Важно: Доколку лозинката е сменета, но не е ажурирана на уредите или во email клиентите, може да се појават неуспешни обиди за најава и проблеми со синхронизацијата.
Промена на просторот на email адреса
Секоја email адреса може да има сопствено ограничување на просторот, односно quota. На овој начин можете подобро да го распределите вкупниот достапен простор на Email Hosting услугата.
Како да ја промените quota-та?
Во Email Hosting делот пронајдете го mailbox-от.
Кликнете на иконата Поставки.
Изберете Уреди простор.
Со помош на контролата за избор на простор одредете колку GB сакате да му доделите на mailbox-от.
Зачувајте ја промената.
Кога е потребно да се промени просторот?
Промената на quota-та може да биде корисна:
кога mailbox-от е скоро полн;
кога одреден корисник има потреба од повеќе простор;
кога сакате подобро да го распределите вкупниот капацитет меѓу повеќе email адреси.
На што треба да внимавате?
Новата quota треба да биде во рамки на достапниот капацитет на услугата.
Доколку го намалувате просторот, искористениот простор на mailbox-от не треба да ја надминува новата quota.
Пред промена на quota-та, проверете колку простор моментално е искористен.
Најава на Webmail
Webmail овозможува пристап до вашата email адреса директно преку интернет прелистувач, без потреба од инсталирање или конфигурирање дополнителна програма.
До Webmail можете да пристапите преку:
https://vasdomen.mk/webmail(Внесете го името на вашиот домаин)
Откако ќе ја отворите страницата, внесете ги податоците за најавување на вашиот mailbox.
За да пристапите до вашиот инбокс кликнете на Open
Webmail е практичен начин за брз пристап до email пораките, нивно читање и испраќање директно преку прелистувач.
Кога е корисен Webmail?
Webmail е особено корисен:
кога работите од друг компјутер;
кога немате конфигуриран email клиент;
кога сакате брзо да проверите дали mailbox-от функционира правилно;
кога сакате да пристапите до email пораките без дополнителна конфигурација.
Препораки за користење
За полесно и побезбедно управување со email услугата, препорачуваме:
креирајте посебен mailbox за секој корисник или намена;
користете силни и уникатни лозинки;
редовно проверувајте ја искористеноста на просторот;
навремено зголемете ја quota-та доколку mailbox-от се приближува до ограничувањето;
користете Webmail за брз пристап и проверка на mailbox-от.
Често поставувани прашања
Дали може да се креира email адреса ако DNS записите се уште не се целосно конфигурирани?
Да. Mailbox-от може да се креира и пред целосната DNS конфигурација. Сепак, целосната функционалност за испраќање и примање пораки ќе биде достапна откако потребните DNS записи ќе бидат правилно конфигурирани и активни.
Колку треба да биде долга лозинката?
Лозинката мора да содржи најмалку 10 карактери.
Што се случува ако ја сменам лозинката?
Новата лозинка веднаш станува активна. Потребно е да ја ажурирате лозинката во сите уреди и email клиенти каде што го користите mailbox-от.
Дали Webmail бара посебна инсталација?
Не. Webmail се користи директно преку интернет прелистувач и не бара инсталирање дополнителен софтвер.