МКхост Правни напомени

МКхост правни напомени

Ја цениме твојата приватност. Дознај повеќе за нашата политика за приватност и условите за користење

Политиката за приватност

Правно лице кое е овластено и кое стои зад оваа политика на приватност е МКХОСТ ДООЕЛ Скопје.

ОПШТИ ОДРЕДБИ

МКХОСТ нема да ги продадава доставените информации од Ваша страна, или било кој дел од информациите, на трета страна.
МКХОСТ не ги продава, ниту ги изнајмува своите листи на клиенти на трети лица. МКХОСТ може да Ве контактира во име на други деловни партнери во врска со релевантни понуди кои можат да бидат од ваш интерес. Во овие случаи, вашите лични информации (е-пошта, име, адреса, телефонски број) не е, и нема да биде доверена на трети лица.
Формуларот за регистрација на нашиот сајт при вршење на нарачка бара од корисниците да ни дадат информации за контакт (како име, презиме, име на организација, адреса, поштенски код, телефон за контакт, емаил). Овие информации МКХОСТ ги користи при контакт преку пошта (праќање на фактури и други документи, верификација на корисник). Исто така при регистрација на интернационално домен име или Македонски домен (.mk) , регистрарот бара за секој домен да се внесат контакт информациите за да доменот биде успешно регистриран и активен, како и да се знае неговиот сопственик. Овие податоци кои ќе бидат внесени при регистрација на доменот се јавно објавени на whois серверите на регистрарите.
Oвој сајт содржи линкови до други сајтови. МКХОСТ не е одговорен за приватноста, начинот на работа или содржината на овие веб-сајтови.
Податоците кои се прибираат преку МКХОСТ се користат само за статистички потреби, а не и за следеење на активноста на поединечни корисници.
Во случај на криминална истрага, МКХОСТ ќе се придржува до важечките закони на РМ и податоците собрани со активноста на веб страната ќе бидат достапни на органите на прогон само со валиден судски налог, со исклучок на случај на злоупотреба на нејзин информациски систем или веб-сајт, кога логовите може се испитуваат и анализираат и во предистражната постапка.

Користење на колачиња (Cookies)

МКХОСТ користи “колачиња” заради персонализирање на Вашето пребарување по интернетот и при вршење на одредена нарачка. Колаче е текстуален фајл кој преку сервер се пренесува на Вашиот хард диск и е складиран во Вашиот веб прелистувач. Колачињата не може да се користат за работење со програми или пак да пренесат вируси на Вашиот компјутер. Колачињата се уникатно доделени и може да се читаат само од доменот на веб серверот што претходно Ви ги има издадено.
Една од основните цели на колачињата е да го направи вашето интернет пребарување полесно и поефикасно. Колачето му укажува на веб серверот дека сте се вратиле на одредена страница и ги чува вашите лични информации, така да не мора да ги внесувате податоците секој пат кога ќе посетите нова веб страна на МКХОСТ.
Имате можност да ги прифатите или одбиете колачиња. Повеќето пребарувачи автоматски прифаќаат колачиња, но постои можност со промена на подесувањата во вашиот прелистувач да отфрлите некое или сите колачиња. Ако ги одбиете нема да можете да уживаате во целосно интерактивно искуство предвидено од страна на МКХОСТ и ќе пропуштате одредени функции на веб страната.

Други податоци

МКХОСТ ја користи вашата IP адреса да му помогне при дијагностицирање на проблемите со сервер како и за администрација на нашиот веб сајт.
Заради споредбени анализи, МКХОСТ го користи Google Analytics. Преку него постои пристап до следните податоци за посетителите IP адреса, разгледувач, оперативен систем, датум и време на пристап, реферер (претходно посетена веб-адреса) и посетени веб-страници од сајтот во кои е вметнат кодот од Google Analytics. Овие податоци не се јавно достапни и се користат само за статистички анализи.
Личните податоци во однос на кредитните картички МКХОСТ ниту ги процесира, а со тоа и нема можност да ги складира и користи истите за било каква намена. Сите податоци за плаќањето и кредитните картички се процесираат од страна на системот на Халк Банка Скопје.
Доколку имате било какво прашање околу политиката на приватност, начинот на работа на веб сајтот или искуство со истиот, контактирајте не на info@mkhost.com.mk.

Услови за користење

Ако имате било какви прашања во врска со оваа изјава за приватност, за начинот на работа или Вашето искуство од оваа веб страница, можете да не контактирате на info@mkhost.com.mk.

Краток опис на условите

1. Забранет е било каков начин на СПАМ-ирање.
2. Услугите на МКХост не смеат да се искористуваат за нелегална трговија - продавање, купување или понудување и изнудување на било какви илегални работи, вклучувајќи пиратерија, илегални субстанци, оружје и др.
3. Порнографски содржини се дозволени доколку ги задоволуваат условите за порнографија и не ги нарушуваат постоечките закони.
4. Говор/јазик истакнат на веб страните или во домените кој поттикнува омраза и дискриминација на било каков начин не е дозволен.
5. Било каква дистрибуција на материјал кој прекршува авторски права или права на регистрирани знаци е забранет и корисникот ќе биде одстранет веднаш штом биде забележан од администраторите на МКХост.
6.Сите корисници доколку се смета дека ги злоупотребуваат услугите на МКХост, или се поврзани со нелегални активности, се подложени на надгледување и контролирање од страна на овластени лица - администратори на МКХост или пак надлежни лица од Владини институции.
7. МКХост го задржува правото, но не е задолжен, да ги проверува и регулира содржините на своите клиенти, и доколку ги прекршуваат условите за користење, да ги отстрани корисничките сметки или пак да одбие доставување на услуги.
8. Клиентите на МКХост се согласуваат дека во било кој случај, нема да превземат никакви мерки спрема МКхост.

Детален опис на условите

1. МКхост го задржува правото без претходно известување да ги измени условите за користење. Корисниците на услугите на МКХост се должни без никакви ограничувања да ги прифатат новодоставените услови.
2. МКхост има право без никакви претходни известувања да ги суспендира, ограничи или исклучи/стопира услугите на клиентите кои ќе ги прекршат условите за користење на МКХост или пак постоечките закони. МКхост исто така го задржува правото на барање од надлежни Владини служби да ги достави информациите кои ги поседува за даден корисник доколку се установи дека тоа ќе помогне во процесот кој се води од надлежните служби. Во таков случај, Вие се согласувате дека во никој случај, без временски ограничувања, нема да го сметате МКхост за одговорен.
3. Вие се согласувате да во процесот при првична и сите останати дополнителни регистрации за користење на услугите на МКхост доставувате валидни и точни Ваши информации. Вие исто така се согласувате дека доколку постои промена на информациите барани во регистрацијата, навремено ќе го известите МКхост.
4. По исплаќање на долгот за користење на услугите или по активирање на Вашиот статус како клиент на МКхост по основа на претходен договор, ќе Ви бидат доставени инструкции за користење на услугите. Инструкциите ќе ги вклучуваат Вашата лозинка и корисничко име. Ваша одговорност е доставените информации да ги чувате како доверливи и да не ги споделувате со никого. Вие исто така сте одговорни за сите активности произлезени од тоа корисничко име доколку не се воспостави поинаку. Вие исто така се согласувате да ги известите администраторите на МКхост support@mkhost.com.mk доколку забележите било какви сомнителни активности, oсобено за оние кои ги вклучуваат Вашето корисничко име и лозинка.
5. Зависно од доставените или договорените услуги кои Ви се овозможени за користење, Вие се согласувате дека ќе ги почитувате поставените правила и нема да ги надминувате и преоптеретувате договорените спецификации, вклучувајќи количество на пренесени информации преку комуникациски канали (bandwidth), бројот на e-маил кориснички имиња, веб и е-маил простор достапен за користење и други. Доколку постои дополнителен договор со МКхост за можни надминувања, Вие се согласувате истиот да го почитувате и да ги подмирите Вашите обврски како што е барано во договорот.
6. МКхост се согласува да прифати порнографски содржини доколку истите ги задоволуваат законските норми како на пример: наменета публика за порнографските содржини да е на возраст од или над осумнаесет (18) години, содржините да не вклучуваат материјали од лица помали од осумнаесет (18) години и друго. Клиентите се задолжуваат пред објавување на порнографски материјали дополнително да го проверат изворот како и податоците за истите. МКхост не одговара за нарушување на законски норми од страна на клиентите и се согласува дека при затекнување на илегална содржина се обврзува истата во најбрз можен временски период да ја отстрани и да го суспендира клиентот без претходно известување.
7. Вие како клиент на МКхост услугите исто така се согласувате дека нема да доставувате или работите со нелегална содржина, или содржина која нарушува авторски или останати права, вклучувајќи, но не ограничено на дигитализирани аудио/визуелни фајлови, извршувачки фајлови, архивски фајлови и сите останати видови на фајлови и материјални средства. Вие исто така се обврзувате дека преку услугите на МКхост нема да вршите никаков вид на илегална трговија на било какви легални или илегални средства.
8. Вие сте обврзани при поставување на било какви податоци преку услугите на МКхост, во обзир да ги земете локалните, државните и интернационалните закони и истите да ги почитувате.
9. МКхост исто така го задржува правото да преземе соодветни мерки спрема корисниците кои ќе ги искористат услугите на МКхост за да дозволат пристап до нелегални содржини.
10. Вие исто така се согласувате дека нема да загрозувате или собирате доверливи информации на други корисници, МКхост или друго лице или организација. Корисниците исто така се обврзуваат да ги почитуваат правата на приватност на МКхост, останатите клиенти на МКхост и сите инволвирани страни.
11. Доколку услугите на МКхост се користат за собирање на доверливи информации преку веб страни, корисникот на истите, се согласува дека е обврзан да постави соодветна полиса за приватност која на посетителите/корисниците на веб страната ќе им даде до знаење за постапката.
12. Вие се согласувате дека нема да ги користите услугите за складирање или дистрибуција на злонамерни кодови, скрипти и било каков друг вид на злонамерен софтвер кој може да доведе до создавање на софтверски или хардверски грешки, намалување на брзината на работење на компјутерот, или на било каков начин да ја загрози сигурноста на системите на МКхост, клиентите или пак останати лица и организации.
13. Се согласувате дека нема во никој случај да се обидете недозволено да пристапите до овластени и доверливи делови на останати корисници на МКхост или на МКхост.
14. Вие, со користење на услугите на МКхост, се согласувате да објавувате содржини кои нема да дискриминираат на било каков начин и нема да бидат навредливи.
15. Вие се согласувате дека услугите овозможени од МКхост нема да ги искористите за дистрибуција на несакана електронска пошта или било каков друг сличен материјал. Вие исто така се обврзувате дека IRC услугите ги користите според правилата дадени при првичната регистрација за користење.
16. МКхост го задржува правото да блокира, без претходно известување, внатрешен и надворешен пристап до е-маил адреси кои нема да ги почитуваат дадените услови за користење.
17. Вие се обврзувате дека во никој случај нема да ги искористите услугите на МКхост за лажни и измамнички активности.
18. МКхост со цел да им овозможи квалитетни услуги на своите клиенти доставува корисничка и техничка поддршка 24 часа во неделата. Доставувањето на оваа поддршка е самоиницијативно од страна на МКхост и МКХост не е задолжен истата да ја доставува 24 часовно.
19. Користењето на хостинг услугите на МКхост за IRC (Internet Relay Chat) е забрането и користење на услуги кои инволвираат IRC е дозволено само на посебните МКхост сервери и услуги кои го наведуваат и го дозволуваат тоа.
20. Со користење на услугите на МКхост, Вие се согласувате дека за било какви недоразбирања, непријатности и неспогодби кои можат да произлезат од користењето на услугите, МКхост не е одговорен во ниеден случај.
21. По истекот на временскиот период за Ваше користење на услугите на МКХост, доколку сакате да го продолжите тој период, плаќањето се врши до или на денот кога тој рок истекува. По истекување на дадениот рок за користење или продолжување на договорот, МКхост без никакво претходно известување ги суспендира или откажува понудените услуги. При овој процес може целосно да бидат избришани сите Ваши податоци и фајлови, логови, е-маилови, веб страни и др.
22. За било каква штета настаната во вашиот бизнис поради моментално, делумно или целосно нефункционирање на услугите, МКхост не презема никаква одговорност.
23. При закупување на хостинг услуги од МКхост се согласувате на создавање и чување на податоците на надворешен сервер. МКхост ќе зачува три (3) backup-и од вашите хостинг податоци во период од една година. Сите хостинг податоци се пребришуваат 365 дена од денот на нивно создавање.
24. МКхост не гарантира дека вашата содржина ќе биде вратена во првобитна состојба при случај на неавторизиран пристап (правење на промени во целост или на дел од содржините), човечка грешка (ненамерно бришење на податоците од сајтот) или настаната хаварија (откажување на одреден софтвер или хардвер на серверите на МКхост што би предизвикало губење на податоците - дел или во целост).
25. По барање на клиентот, МКхост ќе овозможи услуга: враќање на податоци од надворешен сервер по цена од 1990 денари + 18%. МКхост не ги рефундира средствата платени по претходно-споменатата услуга и не презема никаква одговорност доколку клиентот не е задоволен од состојбата на вратените податоци.
26. Во случај на терминирање на хостинг услугите поради неплатен долг, доколку клиентот сака да ги преземе неговите податоците должен е да плати 1990 денари + 18% ддв за враќање на податоците, а доколку по терминирањето на услугите клиентот сака да продолжи со користење на услугите во МКхост истиот е должен да ги подмири сите неплатени долгови и да плати дополнителни 1990 денари + 18% ддв доколку сака да му се вратат податоците кои ги имал на хостингот. МКхост нема да ги рефундира средствата платени по претходно-споменатата услуга и не презема никаква одговорност доколку клиентот не е задоволен од состојбата на вратените податоци.
27. Во случај на подмирување на сите неплатени долгови во рок од 15 дена од страна на клиент со терминирани хостинг услуги, МКхост по потреба на клиентот ќе изврши враќање на податоци од локален сервер и за истата услуга еднократно ќе наплати 990 денари + 18% ДДВ.
28. МКхост овозможува селективно враќање на одредени фајлови од локален backup и истата услуга се наплаќа еднократно и чини 990 денари + 18% ДДВ.
29. МКхост гарантира две бесплатни враќање на целосен backup од локален сервер годишно, а секој нареден пат оваа услуга МКхост еднократно ќе ја наплати 990 денари + 18% ДДВ.
30. Попусти за купување/обнова на одредена услуга не можат да се комбинираат. Доколку потенцијалниот клиент има во еден момент достапно повеќе можности за намалување (купон за попуст, постоечка промоција од страна на МКхост и слично), може да се избере само едната.
31. Доколку хостингот за било кој пакет е закупен на месечно ниво, миграцијата на хостингот (од друг хостинг провајдер во МКхост, или од еден пакет на МКхост во друг пакет закупен во МКхост) се наплаќа 990 денари + ДДВ еднократно. Дополнителна поддршка која не е поврзана со серверски проблем се наплаќа 990 денари + ДДВ.
32. Максималниот број на маил-ови испратени од домен во рамките на 1 час со закупена услуга во МКхост е 250 пораки. Сите пораки испратени над оваа бројка нема да бидат испратени и ќе бидат во ред на чекање. Исто така доколку 40% од пораките кои што ги испраќате се невалидни и истите се враќаат назад или се одбиени од емаил серверите каде се обидувате да ги испратите постои заштита на серверско ниво за секој акаунт и овој лимит се ресетира на секој час. Сите пораки испратени над овој лимит нема да бидат успешно испратени.
За било какви прашања и информации во врска со условите за користење или услугите на МКХост, контактирајте нѐ.

Правила за македонски домени

1. Право за регистрација на .mk домен имаат сите физички и правни лица.
2. Право за регистрација на edu.mk домен имаат: образовни и научноистражувачки установи, странски образовни организаци кои имаат дозвола за вршење образовна и научноистражувачка дејност и сл.
3. Право за регистрација на org.mk домен имаат: непрофитни организации, здруженија на граѓани и фондации, политички партии, синдикати, јавни здравствени установи, фондови и друго, странски амбасади, како и непрофитни странски организаци на кои со меѓународен договор или согласно со закон им е допуштено да вршат непрофитна дејност.
4. Право за регистрација на com.mk, net.mk и inf.mk домени имаат: трговски друштва, физички лица регистрирани за самостојно вршење дејност, лица со јавни овластувања, комори, задруги, финансиски организации, правни лица и физички лица регистрирани за вршење на стопанска дејност.

Правила за интернационални домени

1. .com домен може да регистрира физичко или правно лице. Доменот престанува со работа на денот на истек и истиот има заштитен период од 30 дена. По истек на заштитниот период, се доплаќа одредена цена за ресторирање на доменот.
2. .eu домен може да регистрира физичко или правно лице кое е припадник на земја членка во Европска Унија, или физичко лице со искажана националност на земја членка на Европска Унија, со официјален документ за потврда на истата (пасош, лична карта, итн.) .eu доменот има заштитен период од 40 дена . Доколку истиот не се обнови пред истек, покрај цената за обнова се доплаќа и за ресторација. По истек на заштитниот период, доменот се брише и станува слободен за регистрација.
3. .de домен може да биде регистриран од секој поединец или компанија со услов и доменот да е хостиран во Германија. Административниот контакт и регистрантот треба да имаат контакт адреса лоцирана во Германија. По истек доменот веднаш престанува да работи.
4. .rs и .co.rs домен може да регистрира секој .rs и .co.rs домен има заштитен период од 30 дена. По истек на заштитниот период, доменот се брише и станува слободен за регистрација.
5. .au домен може да регистрира само фирма регистрирана во Австралија како и физички лица резиденти на Австралија. .au домен има заштитен период од 30 дена. По истек на заштитниот период, доменот станува слободен за регистрација.
6. .ru домен може да регистрира физичко или правно лице. По истек доменот престанува со функционирање со тоа што има заштитен период за обнова од 30 дена. По истекот на заштитниот период, доменот се брише и станува слободен за регистрација.
7. .uk домен може да регистрира физичко или правно лице. .uk домен има заштитен период од 90 дена и по истек на заштитниот период доменот се брише.
8. .biz домен мора да се регистрира на правно лице со даночен број. Има заштитен период од 40 дена. По истек на заштитниот период, за обнова се доплаќа одредена цена за ресторација.
9. .mobi домен може да регистрира секој. Овој домен има заштитен период од 30 дена. По истек на заштитниот период, за обнова се доплаќа одредена цена за ресторација.
10. .top .design .solutions .online .info .net .xxx .pro .org .tv .cc .co .name домен може да регистрира секој. По истек, доменот престанува со работа и има заштитен период за обнова од 40 дена. По истек на заштитниот период, се доплаќа одредена цена за ресторација.
11. .ws домен може да регистрира секој. Доменот има заштитен период од 36 дена. По истек на заштитниот период, се доплаќа одредена цена за ресторирање.
12. .ca домен може да регистрира само државјанин на Канада. По истек, доменот има заштитен период од 40 дена.
13. .es домен може да се закупи од физички и правни лица. Услов е административен и технички контакт да биде само физичко лице. По истек, доменот има заштитен период од 9 дена.
14. .us домен може да регистрираат само државјани или жители на САД. По истек, доменот има заштитен период од 36 дена.